KQZ, ka përgatitur platformën e regjistrimit për votim jashtë Kosovës me qëllim të lehtësimit të procedurave për regjistrim si votues jashtë Kosovës për procesin e ardhshëm zgjedhor.

Hapat që duhet t’i ndiqni për tu regjistruar si votues jashtë Kosovës:

1. Shënoni numrin tuaj personal dhe datën e lindjes;
2. Shtypni butonin “Kërko” ku do të shfaqen të dhënat tuaja;
3. Plotësoni informacionet e kërkuara: qytetin ku jetoni, shtetin, rrugën, numrin e rrugës, apartamentin, kodin postar, numrin e telefonit dhe e-mailin.

Zgjedhni njërën nga mënyrat e votimit:

1. Përmes përfaqësive diplomatike;
2. Përmes postës në kutinë postare jashtë Kosovës; ose
3. Përmes postës në kutinë postare në Kosovë.

Ngarkoni dokumentet e kërkuar:

1. Kopjen e njërit nga dokumentet identifikuese të Republikës së Kosovës, si: letërnjoftimin, pasaportën ose lejen e vozitjes; dhe
2. Fotografinë tuaj së bashku me dokumentin identifikuese në dorë.
3. Nëse dokumenti i Republikës së Kosovës është jo valid, ju duhet të ngarkoni edhe dokumentin valid të shtetit ku jetoni.